صفات الشب السوري .....

الشب السوري :
بيحمل باكيت الدخان والقداحة والموبايل ومفاتيح السيارة (أو البيت إزا مافي سيارة)
والبوكت مونيه كلللون بإيد...
والسيجارة بالإيد التانية
كيف بيساعو ما حدا يسأل
لما بيسوق بيرجّع المقعد لورا عل أخير وبينجعص وبيطبّق البنات والشباك نص فتحة
لما بيسوق بيطلع إيدو من الشباك وطبعاً السيجارة موجودة على طول
بيلبس بوط مبوّز من إدّام
وين ما قعد دغري بينجعص
البوكت مونّي على طول (مطنبر) بالجيبة الورانية
لما يحكي مع بنت على التلفون بيبلش يناديلها: إيه حبيبي من أول تلفون
ولا تقولو لاء... كلكون بتعملوها
لما بيجي عل إمارات ما بيشتري إلا مارسيدس أو بي إم وبيضل يقسّط حقها شي 10 سنين
يعني عندو عقدة البي إم والمارسيدس
الشب السوري بمراهقته ولوقت ما بيخلص دراسة ما بيخلي بنت من شره وبس بده يتجوز
بيدور ع وحدة عمرها 16 سنة!
الشب السوري أول ما بيحكي مع البنت بيصير بدو يلبّسها على كيفو ويمشيها على كيفو
وبيصير بدو ياها تاخد إذنو أبل ما تروح لأي مكان...
الشب السوري بيخبّص ليشبع مع كل بنات الحارة وبس يتجوز بيروح لعند إمو تنقيلو
عروس مو بايس تمها غير إمها منشان يربيها على كيفو
الشب السوري بيفكر حالو أفهم واحد بالعالم وما بتفوتو الفايتة
الشب السوري ...لما يشوف بنت لبنانية بتشط ريالتو وبيسكّر مخو وما عاد بيطسّ
إدّامو وبيبطّل يجمّع
الشب السوري ......لما بيكون قاعد بشي كافيه وبنت بتمرء من جنبو بيضل يشئلها من
فوء لتحت لحتى توصّل على بيتها
وطبعاّ وهو منجعص والأركيلة بإيد والموبايل بلإيد التانية

يا الغنوجة
شكلك بلشت تعتدي على الشباب
روقي شوي
ما الكل بيدخن وما الكل عندو سيارة وما الكل بيشرب أركيله
مثلا انا لا بدخن ولا بأركل
ولا معي سيارة
وكمان ما الكل بحب الجنس اللطيف
مثلا أنا بقدّس المرأة
بس ما بفضلها جنسيّا على عاطفيا أو عقليأ
شكرا جزيلا
بس انا مععك
أكتر من 80 % من الشباب انت صوّرتهن بموضوعك

زميل نبراس
طبعا انا ما قصدت بموضوعي كل الشباب
بس اغلب الشباب صايرين هيك
صح
ويلي موهيك بقيو قلال جدا
وشكرا على تعليقك

عفوا منك
وانا ما قصدت شي وأنا أكّدت انو أكثر من 80 %
هيك
متل انت ما حكيت
بس للتنويه حبيت اوصل رسالة انو لكل قاعدة شواذ
شكرا لردك القيّم