صفات الشاب الكذب

1-الشب المنظوم بيحاول يتعرف عليك بشتى الطرق حتى يحصل ع رقم موبايلك والارضي اذا كان محظوظ((لانك بتخافي اهلك يردو بتصيري انت تدقيلو..لا تفكري كتير عم يوفر يعني))
2-بيصير يصرعك باتصالاتو ليل نهار ع بحبك واشتئتلك ومرفقة طبعا بالمسجات اللي كلا حب وغزل وغرام((مو من حظك طبعا لانو لازم تردي بمسج شكرا ع الئليلة واو بمس كول وهوي بيفتح الخط بوشك...خرجك))
3-بعد فترة تمتد بين اسبوعين وشهر{حسب شخصيتك} وبعد ما تكوني تعودتي عليه بيوقف المسجات فجأة((لازم تعرفي انو هادا تكتيك منشان تحسي انو في شي ناقصك بهالدنيا))
4-بيصير بعد قطع المسجات بفترة لا تتجاوز 3 تيام يخفف الاتصالات ويكتر المس كولات ولا تخافي الاتصالات كلا غزل ومن الحكي الل يبيعجبك((بيصير يشكيلك انو مامعو مصاري ومتئاتل مع ابووو ومشاكل والدنيا كلا ضدو..هون بيصير عندك شك!!))
5-وهلأ هون بتبلش مرحلة جديدة وبيئلك الكلمة السحرية حلمت فيكي مبارح وكنا انا وانت بس بمكان بيجنن وكنا كتير مبسوطين(( طبعا لازم تفهمي ئصدو وع شو عم يلمح))
6-المهم بعدين بيصير يطلب يشوفك بوئت متأخر عن العادة يعني انو عادة بتلتئو الظهريات زيديون شي 6 ساعات((وانتي بترضي لانك جدبة))
7-بعد الف لعبة وحيلة بتئدري تشوفي ع الساعة 8((بمكان مخفي مابدى حكي)) وانتو سوا ع غفلة بيمسكلك ايدك وبيطلع بعيونك بكل رومنسية وبيئلك بحبك وبيبسلك ايدك وبيصيرو عيونو يدمعو "بس مو شرط" ((وهون انتي بتصدئيه وبتليني ماهيك...غبية!!))
8-طبعا كل الحكي السابق مرفق بتخفيف المس كولات وانعدام الاتصالات والمسجات من ناحيتو طبعا وانتي هون بتصيري تسرئي موبايل البابا والماما واخوكي لتحكي معو..((no comment))
9-طبعا بهي المرحلة بتصير كل اللقاءات مسائية((لانك كتير ذكية الله يخليكي لاهلك..))
10- ها ها هلاء بعد فترة من الزمان اذا مانفضحت نص البلد فيكي بتصيري تطلبي اللقاء يكون الضهر لانو ماعاد فيكي تطلعي المسا((وصلتي يا بعدي)) بيصير مشغول وكل هموم العيلة عليه وديون ومصاريف((ومن هالحكي))
11- بتصيري تدئيلو كل النهار يا خارج التغطية يا بيسكر بوشك((هون نصيحة يااختي حفظي ماء وشك وحذفي رقمو..))
12-مامحيتي الرقم ما يلا ياعيني كملي معي لشوف شو بدو يطلع معك...بيتصل فيكي وبيئلك انتي انسانة رائعة ومافي منك بس...انا اهلي خطبولي((طبعا هادا كذب لانو مو خادم عسكرية وما معو اجرة سرفيس بس بئلك هيك لانو عندو شي من ابن الحلال وعن يحسسك بالاكشن وانو هوي لسا بحبك بس الظروف)) بس اذا ابن حرام بئلك حلي عني ماحلك تفهمي مو طايئك يلعن هديك الساعة((sorry for u))
13-واخيرا وليس اخرا بعد ماتكوني اكلتي الصواب الصعب وبلشتي بكي لصارو عيونك حمر بيواسيكي رفيئو اللي ع اساس مستغرب دناوت رفيئو(!!!!) وبس تئبلي تحكي معو يا عزيزتي رجعي ائري من الاول

اي شو هاد
والله فنانة يعني بكل تفاصيل الموضوع
للأسف هذا ما يجري
يا بنات حورا تعلمو
والله ما في ألطف وأحلى من آدم بس
طولوا بالكو وعرفوا تمشوا معو مظبوط
وعن جد لازم تكونوا قويين لانو كمان
الاستاذ آدم ما بيتأمنلوا
يعني أي وحدة بتجي فيها شي مثير ولو واحد بامية عليكم رح يروح لعندها فورا
شكرا للمشاركة المميزه